Category Archives: Randrekkers / Rand Savers

image_print

RANDREKKER IDEES

Posted on by Posted in Randrekkers / Rand Savers Leave a comment

RANDREKKER IDEES
Rina Kleinhans:
Maak ‘n lekker groot pot “savoury” maalvleis, deel dit in drie, kerrie die een deel vir kerrie en rys, gebruik die ander in jaffels en dit wat oorbly maak lekker herderspastei, of so iets.

Vernon G Schoultz:
Ek werk op porsies, ons is 5 mense so ek koop wors en deel in 100 g stukke per persoon, maalvleis selfde, waneer ek burgers maak dan gebruik ek 350 g maalvleis, ek voeg of 1 koppie hawemout by of ek rol 3 snye brood in ‘n stywe bal en rasper dit by die maalvleismengsel. Continue reading→

ESMARIE SE BRAAIRYS

Posted on by Posted in Ligte Etes / Light Meals, Maalvleis / Mince, Randrekkers / Rand Savers Leave a comment

braairys esmarietested

ESMARIE SE BRAAIRYS
Soos aangevra hier is die foto van my braairys. Ek het laas sommer groente met knoffel en kruie in die oond gebraai en saam voorgesit. My huismense jaag my gewoonlik aan om die gereg te kan eet. My seun van 20 wat glad nie lief is vir rys nie vra elke keer ‘n tweede porsie.
Net weer die resep:
Ek kook my rys vooraf amper gaar, moet nog effens hard wees, nie pap nie.
3 gekerfde uie
125 – 250 g maalvleis
5 ml oreganum
2.5ml gemengde kruie
speserye na smaak Continue reading→

RANDREKKER SARDYN GEBAK

Posted on by Posted in Randrekkers / Rand Savers, Vis / Fish Leave a comment

10402936_10202960491147121_2125574902632679630_ntested
RANDREKKER SARDYN GEBAK
Kook 3 groot aartappels in die mikrogolfoond tot gaar.
Sny in skyfies en plaas onder in ‘n glas Pyrex bak.
Sprinkel Ina Paarman Potatoe Spice oor.
Maak ‘n lekker dik witsous en voeg ‘n handvol kaas by, asook ‘n bietjie fyn knoffel en chillie. Net klein bietjie chillie, net ‘n hint. Geur met Aromat of waarvan jy hou.
Maak ‘n blik sardyne (pilchards) in tamatiesous oop en plaas die vissies bo-op die aartappels. Plaas ‘n lepel vol tamatiesous op elke vissie. Gee die orige sous vir die kietsies wat aan die toonbank hang.
Gooi die witsous bo-oor en sprinkel nog gerasperde kaas bo-oor. Ek het Mozzarella-kaas gebruik. Plaas onder die oondrooster in die middel van die oond. Dit raak dan stadig deurwarm en bruin bo-op. Tog te lekker, hierdie armmans kossies.

Foto en resep:  Louise Groenewald

MAKLIKE SMAAKLIKE VARKTJOPS

Posted on by Posted in 2-4 Bestanddele / 2-4 Ingredients, Randrekkers / Rand Savers, Vark / Pork 1 Comment

MAKLIKE SMAAKLIKE VARKTJOPS

Al wat jy nodig het is 2 bestandele want peper is opsioneel
4 – 6 varktjops
1 pakkie bruin uiesop
peper, opsioneel

Voorverhit oond tot 180°C.
Plaas varktjops in die oondpan.
Strooi droë bruin uiesop bo-oor.  Moenie olie of botter of enige vloeistowwe byvoeg nie.
Maak toe met foelie en bak in oond vir ongeveer 50 – 60 min – hang af hoe dik jou tjops is.
Dien op saam met ‘n bygereg van jou keuse soos kapokaartappels en ertjies of selfs ‘n lekker slaai.

Bron:  Sonja Young

“DIT MAAK MEER” MENGSEL

Posted on by Posted in Randrekkers / Rand Savers, Vries van Groente & Vrugte / Freezing of Vegetables & Fruits Leave a comment


DIT MAAK MEER MENGSEL
6 gerasperde wortels
1 medium, gerasperde kool
4 gerasperde Granny Smith appels met skil
1 ui, fyngekap
1 pynappel, gerasper
2 rooi soetrissies fyn gekap

Stoom of roerbraai mengsel vinnig vir 5 minute. Verpak porsies lugdig en pak in vrieskas.
Haal uit en voeg by enige lekker vleis gereg om dit meer te maak.
Oulike wenk is om dit te gebruik by gaar pasta. Meng deur, jy kan ook fyn vleisies, hoenderrepies of spek insit, klits 6 eiers, 2 koppies melk, sout en peper, giet oor die vulsel, strooi kaas oor en bak tot ligbruin, 15 – 20 min by 180°C.
Kan enige gereg REK!  Heerlik en gesond.
Geniet!
Resep:  Floraine Wasserman Venter

RANDREKKER LASAGNE

Posted on by Posted in Ligte Etes / Light Meals, Pasta, Randrekkers / Rand Savers Leave a comment

randrekker lasagnetested
RANDREKKER LASAGNE
1 blikkie bullybeef, in blokkies gesny
2 groot uie
1 blikke sweetcorn
1 groot tamatie
mayonnaise na smaak
chutney na smaak
kaassmeer (in my geval Homemade)
sout en pepper na smaak

Braai uie en tamatie saam voeg die bullybeef en sweetcorn by, geur met mayonnaise, chutney en ander geurmiddels.
Pak lae met lasagne velle en bully vulsel, ek voeg ‘n pakkie sampioen sop poeier by die om dit nog verder te rek.
Smeer kaassmeer bo-oor en bak vir 30 minute.
Dis goedkoop en baie baie lekker.
BRON: Riana Barnard Sadler

You cannot copy content of this page

DISCLAIMER: BY SUBMITTING CONTENT TO THIS WEB SITE, YOU ACKNOWLEDGE AND AGREE THAT THE TERMS AND CONDITIONS STATED IN THIS POLICY APPLY TO YOUR INTERACTIONS WITH ANY WEB SITE COMMUNITY AND THAT GOOD AND VALUABLE CONSIDERATION HAS BEEN PROVIDED TO YOU. IF YOU DO NOT AGREE WITH THESE TERMS AND CONDITIONS, DO NOT SUBMIT CONTENT TO THIS WEB SITE OR OTHERWISE ACCESS ANY COMMUNITY FEATURES ON THIS WEB SITE.