Category Archives: Inmaak & Inlê/Canning

image_print

SPESERYPRUIME IN ROOIWYN

Posted on by Posted in Inlê vrugte / Bottled Fruit, Inmaak & Inlê/Canning Leave a comment

2015-07-22-plums-in-wine1

SPESERYPRUIME IN ROOIWYN
2 stokkies kaneel
1 liter droë rooi wyn
400 g karamelsuiker
6 heel naeltjies
6 wonderpeperkorrels
1.6 kg rooi pruime
Breek die kaneel in skerwe op. Voeg die wyn, suiker, naeltjies en wonderpeper daarby. Verhit die mengsel stadig tot kookpunt, roer aan die begin totdat die suiker opgelos is en prut dan vir 5 min.
Prik die pruime met ‘n stopnaald. Voeg dit by die wynstroop en verhit dit stadig tot kookpunt. Skep die pruime in ‘n enkel laag in ‘n bak en giet die wynstroop oor. Bedek die bak met kleefplastiek en laat die pruime 12 uur lank in die stroop lê. Continue reading→

BRANDEWYNPRUIME

Posted on by Posted in Inlê vrugte / Bottled Fruit, Inmaak & Inlê/Canning Leave a comment

BRANDEWYNPRUIME
Weeg die pruime af en gebruik vir elke 500 g pruime 250 g melassesuiker en 1 stokkie kaneel.
Dompel die pruime vir 3-4 min in kookwater, dreineer en trek die skille af.
Plaas die pruime en suiker in lae in ‘n fles en voeg die kaneel by
Vul die fles met brandewyn
Verseel die fles en laat die pruime minstens ‘n maand lank op ‘n koel, donker plek masereer voor gebruik.

TIPS VIR DIE MAAK VAN CHUTNEY

Posted on by Posted in Inmaak & Inlê/Canning, Wenke / Tips Leave a comment

VARS EN DROE VRUGTE CHUTNEY
TIPS VIR DIE MAAK VAN CHUTNEY
Droë vrugte moet vooraf in water, rooibostee of vrugtesap geweek word, anders sal dit nie sag kook nie.
Vervang 450 g vars vrugte met 300 g droë vrugte.
Groente of vrugte kan met wit-/ bruinsuiker of heuning, melasse en soms gouestroop versoet word. Wanneer suiker bygevoeg word, verhoed dit dat die vrugte of groente verder sag kook. Indien die vrugte of groente nog nie sag is nie, moet dit eers nog ‘n rukkie gekook word voor die suiker bygevoeg word.
Die gewildste speserye wat gebruik word, is aromatiese soorte soos kaneel, gemmer, koljander, kardemom, piment (all spice), wonderpeper (?), Kerrie, borrie, komyn, koljander en naeltjies. Hulle word nie maklik deur die suur smaak van asyn oorheers nie. Continue reading→

TRACY SE INGELEGDE BEETSLAAI

Posted on by Posted in Inlê Groente / Bottled Vegetables, Inmaak & Inlê/Canning Leave a comment

2015-07-17-tracyseingelegdebeetslaaitested

TRACY SE INGELEGDE BEETSLAAI
8 kg rou beet gekook (gerasper sal dit 24 koppies maak)
3 koppies gerasperde ui
½ teelepel swart peper
2 teelepel sout
12 koppies suiker
8 koppies wit asyn

Was beet skoon af. Sny blare af. Plaas in koue water. Bring tot kook punt. Kook 40 minute of tot sag. Skil beet af en rasper. Voeg gerasperde ui by en meng goed. Sprinkel met sout en peper en meng goed.
Bring asyn en suiker op tot kook punt, voeg beet by en bring weer tot kook punt. Kook vir 15 minute. Bottel in gesteriliseerde bottels en seël dadelik.
Resep en foto:  Tracy Minny

FANTASTIESE UIESLAAI-SLAPHAKSKEENTJIES

Posted on by Posted in Inlê Groente / Bottled Vegetables, Inmaak & Inlê/Canning Leave a comment

Fantastiese uieslaaitested

FANTASTIESE UIESLAAI-SLAPHAKSKEENTJIES
Die oorsprong van die resep is onbekend aan my. Ek het by my nig gekry en sy weer by iemand wat hom by iemand wat hom by iemand gekry het, kom seker iewers van die ouma grootjies af!
Ongeveer 1 kg klein uitjies, geskil
2 eiers
¼ koppie wit asyn
½ eetlepel koekmeel
½ koppie suiker
sout en peper

Kook uitjies sag in genoeg water om te bedek. Dreineer en geur met sout en peper. Klits die eiers, asyn, suiker en koekmeel goed saam. Giet in kastrol en meng maar aanhoudend met n whisk. Prut tot verdik. Voeg uitjies by en meng deeglik en laat afkoel. Bottel en hou in die yskas.

Resep geplaas deur – Jacques Marianne Van Niekerk

You cannot copy content of this page

DISCLAIMER: BY SUBMITTING CONTENT TO THIS WEB SITE, YOU ACKNOWLEDGE AND AGREE THAT THE TERMS AND CONDITIONS STATED IN THIS POLICY APPLY TO YOUR INTERACTIONS WITH ANY WEB SITE COMMUNITY AND THAT GOOD AND VALUABLE CONSIDERATION HAS BEEN PROVIDED TO YOU. IF YOU DO NOT AGREE WITH THESE TERMS AND CONDITIONS, DO NOT SUBMIT CONTENT TO THIS WEB SITE OR OTHERWISE ACCESS ANY COMMUNITY FEATURES ON THIS WEB SITE.