Posted in Deeg, Doppies, Korse & Vulsels / Crusts, Dough, Tartlets & Fillings, Vingerhappies / Snacks
1 Comment
ALBERTA SE SNACKLE RESEP
Na aanleiding van die doppie ystertjies waaroor almal deesdae praat, het ek gou vanoggend dit getoets.
Ek het my gewone snackle resep vir beide gemaak:
Snackle Resep
(Hierdie resep kan ook halveer word)
2 eiers
2 koppies koekmeel
1 koppie water
1 koppie melk
knippie sout
Terwyl yster in kookolie warm word, Meng alles saam tot glad en bak. Continue reading
CORRIE SE STAATMAKER DEGIE VIR PASTEITJIES
Kosmaters vertel: “ek het al letterlik honderde vleistertjies op bestelling hiermee gebak- Maklik, vinnig, goedkoop en lekker”:
2 koppie koekmeel
230 g margarine (Stork)
½ koppie kookwater
Sout
Sit die margarine in die kookwater – na rukkie sal dit heeltemal smelt. Voeg by meel en meng. O ja, so bietjie sout ook.
So lekker slapdegie. Moenie skrik nie. Plaas in yskas (so uur of wat tot styf en hanteerbaar.) Rol uit en gebruik!
Vulsel:
2 kg maalvleis
2 kg aartappels
2 eetlepels Steak en Tjops geurmiddel
2 teelepels sout
½ kg gemengde groente
Kook saam tot droog en maak goed fyn. Continue reading
Posted in Deeg, Doppies, Korse & Vulsels / Crusts, Dough, Tartlets & Fillings
Leave a comment
RICE KRISPIES TERTKORS
Ek weet nie of dit al met iemand gebeur het nie, maar ek was lus om iets lekkers te maak en ek was halfpad toe kom ek agter ek het niks om die kors van die tert te maak. Ek het rice krispies, klapper en bietjie versiersuiker fyn gemaak. (Jammer geen hoeveelhede) eetlepel botter in gemeng en soos ‘n tertkors gebruik. Verbasend lekker uitgekom.
Resep: Ellouise Grundling
ALTA SE DEEG VIR VETKOEK, ROOSTERKOEK EN BROOD
6 hoog vol koppies koekmeel
Golfballetjie grootte suurdeeg, (Ek bak met koekie suurdeeg wat ek by pnp se bakkery koop)
1 hoogvol teelepel sout.
Maak holte in middel van meel en voeg bietjie sterk lou water saam suurdeeg en meng dit deur.
Voeg nog nog sterk louwater by tot ‘n sagte deeg, knie deeg goed deur.
MaAk toe en laat rys.
Knie deeg af en laat weer rys. gebruik deeg grootte volgens jou panne, vorm brood in gesmeerde pan,
Maak toe en laat tot gelyk met pan gerys,
Sit oond aan op 180 grade bak vir ‘n uur.
Vir vetkoeke maak balletjies volgens grootte van vetkoeke, laat rys ,druk effe plat, bak in warm olie,
Resep en foto: Alta Gunter Van Dyk
ELSABIE SE WILDSPASTEITJIES MET SPINASIE KAPOKAARTAPPELS
Resepte en foto”s: Elsabie Templeton
FOOD LOVERS RECIPES
Wildsvleis pasteitjies op my manier gemaak met warm Arabiese kruie mengsel, rooiwyn en ‘n lekker groot skep van my tuisgemaakte rooiuie marmelade met pienk peperkorrels. Bedien langs ryk en romige aartappels met spinasie blare. Ek dink dit sal op enige gastro pub se menu pas……… selfs my deeg is tuisgemaak.
Kookwater-pastei deeg (uit Snowflake boek)
Bros deeg wat perfek werk vir die onderkant van pasteitjies omdat dit ordentlik deur bak sonder om taai te wees. Ek vind dit die beste deeg vir wildspasteitjies wat ek sommer in my medium grootte muffin panne maak.
125 ml kookwater
125 g botter of margarine (ek gebruik botter dit smaak ook lekkerder)
500 ml (280 g) bruismeel (of koekmeel + 2t bakpoeier)
2 ml sout
Smelt die botter of margarine in die kookwater. Sif die meel, bakpoeier en sout saam en meng die kookwater mengsel by tot ‘n sagte deeg vorm. Ek gebruik my deeghak in my menger.
Gooi in ‘n plastiek sakkie en sit in die yskas vir ten minste ‘n uur of tot yskoud. {*op hiedie stadium kan jy dit ook vries vir latere gebruik}.
Continue reading
Posted in Brood / Bread, Deeg, Doppies, Korse & Vulsels / Crusts, Dough, Tartlets & Fillings
Leave a comment
TESS SE VEELDOELIGE BROOD DEEG
(Veeldoelige deeg)
8 tot 9 koppies koekmeel
(Ek verkies Snowflake weens vog gehalte / kleur van deeg bly mooi na dae in yskas)
2 teelepels sout
3 teeleepels suiker
750 ml lou water (as jy vinger insteek moet dit nie brand )
1 sakkie 10gram Anchor kits gis Continue reading
Posted in Deeg, Doppies, Korse & Vulsels / Crusts, Dough, Tartlets & Fillings
Leave a comment
LEKKER DEEG VIR QUICHE
Petré Van Jaarsveld
Maak jou eie deeg. Baie lekkerder.
100 g koekmeel
100 g margarien/botter
100 g cheddar kaas
Meng alles saam in voedselverwerker tot ‘n sagte deeg en druk in pannetjies uit.
Linki Jooste
Moet jy hom dan blind bak, of kan jy vulsel net so insit en dan bak?
Petré Van Jaarsveld
Skep vulsel in en bak dan tot gestol. Nie nodig om eers die kors te bak nie.
Tolbos Bistro
Ek gebruik ook die resep en dis ‘n wenner. Jy druk sommer die deeg met die vingers in pan vas.
Petré Van Jaarsveld
As daar van die deeg oorbly, dan kan jy sommer repelsteeltjies van dit maak.
Foto geleen by Adam Cloete
Posted in Deeg, Doppies, Korse & Vulsels / Crusts, Dough, Tartlets & Fillings, Platters
1 Comment
ANSIE SE TUISGEMAAKTE DEEG VIR PASTEITJIES
Meng in n bak:
4 koppies koekmeel
5 ml kremetart
5 ml sout
Rasper 500 g volroom margarien in meel in.
Gooi daarby:
250 ml yskoue sodawater met 10 ml suurlemoensap
Meng tot net gemeng.
Gooi uit op meelbestrooide blad en rol uit.
Vou op en rol weer.
Vou weer op en laat rus in yskas vir ‘n uur. Rol dan weer uit en vou weer op.
Laat oornag in die yskas en gebruik vanaf die volgende dag vir pasteie, worsrolle, ens.
RESEP EN FOTO: Ansie Vermeulen Steyn
Posted in Deeg, Doppies, Korse & Vulsels / Crusts, Dough, Tartlets & Fillings
Leave a comment
MARIE SE WARMWATER DEEG
1 koppie koekmeel
1 koppie kookwater
Driekwart margarine van ‘n 250 gr.
1 teelepel bakpoeier
¼ teelepel sout
Smelt margarine in kook water roer res van bestanddele by met houtlepel.
Moenie skrik as deeg botterig lyk.
Laat staan om af te koel.
Rol uit op redelik baie meel.
Baie belangrik moenie dubbel aan maak.
Maak elke weer aan indien jy nog deeg soek.
Lekkerste deeg resep wat ek nog gemaak het
Resep: Marie Greeff
Posted in Deeg, Doppies, Korse & Vulsels / Crusts, Dough, Tartlets & Fillings, Wenke / Tips
Leave a comment
RAAD VIR BLINDBAK
As jy wel ‘n deeg wil blindbak, maak seker jou deeg hang oor die kante en sny eers met ‘n skerp mes af nadat jy die gebak het en voordat jy die vulsel insit om weer te bak (as jy dit weer moet bak). Dit lyk baie netjieser.
Raad en foto: Elsabie Templeton
You cannot copy content of this page
