image_print
Author Archives: Rina Kleinhans

MANDARYN KOEK

Posted on by Posted in Koeke / Cakes

mandaryn koek
MANDARYN KOEK
Koop of bak ‘n vanilla koek.
Smeer ‘n laag vanilla koek met appelkooskonfyt.
Meng die volgende saam en smeer oor die koek:
250 g room maaskaas
1 blik kondensmelk
½ koppie suurlemoensap
Neem nou een blik ontpitte kersies, of mandaryn skyfies of bessies en pak bo-op.
Verhit stroop en verdik met vlapoeier, skep bo-op vrugte.
Dit is ‘n lekker suurerige vulsel.
Resep jare gelede by my ma gekry.

Resep en foto:  Lida Mostert

FYN TAMATIEKONFYT

Posted on by Posted in Konfyt / Jam

FYN TAMATIEKONFYT
Skil die tamaties en sny dit in stukkies op.
Weeg die hoeveelheid tamaties af.
Gebruik vir elke 1 kg tamatiestukke, 750g wit suiker, 20 ml suurlemoensap en’n paar knoetse gekneusde, gedroogte gemmerwortel wat in ‘n stukkie kaasdoek toegebind is.
Pak die tamaties en suiker in lae in die kastrol, voeg die suurlemoensap en gemmer by en laat dit ‘n paar uur lank of oornag so staan om stroop te vorm.
Verhit die mengsel daarna stadig tot kookpunt en roer dit aan die begin totdat al die suiker opgelos is.
Kook dit taamlik vinnig verder totdat die konfyt helder en die stroop dik is, roer dit gereeld en wees veral teen die einde versigtig dat dit nie aanbrand nie.
Verwyder die gemmersakkie en gooi dit weg.
Skuim die konfyt af, indien nodig, bottel dit warm in voorbereide flesse en verseël dadelik

 

TAMATIE BRAAI WORS

Posted on by Posted in Maalvleis / Mince, Wors / Sausage Leave a comment

wors
TAMATIE BRAAI WORS

Bederf die familie met die dis. Dis maklik om voor te berei en dit smaak heerlik. Die resep kan as wors of as frikkadelle voorgesit word.
500 g wildsvleis
250 g varkvleis
100 g spek
½ teelepel sout
½ teelepel fyn naeltjies
½ teelepel fyn neutmuskaat
½ teelepel gedroogde basil
2 knoffel huisies
1 groot ui fyn gesny
3 ryp ontvelde tamaties in skywe gesny Continue reading→

BLINDEVINKE

Posted on by Posted in Bees/Beef

blindevinketested

BLINDEVINKE

Rump steak dun gesny en gekap tussen 2 lae plastiek met tenderizing hamertjie.
n vingerdik stuk cheddarkaas in die breedte geplaas
stukkies fyngesnyde knoffel swartpeper n klompie vars pietersielie takkies.
Plaas bogenoemde in die rumpsteak en rol styf op soos n worsie en bind vas met kombuistou op 3 plekke.
Sit in oondpan al die blindevinke en gooi bietjie kookolie, bietjie kookwater waarin so 2 teelepels marmite in gemeng is, bietjie worcestersous en bietjie brandewyn.
Braai met oop skottel in oond op so 185  grade C tot die blindevinke gaar is. Draai af en toe om. Sous is heerlik oor rys ook want van die kaas bak uit.

Dankie suzette

HEERLIKE BORSSTROOK IN SOUS

Posted on by Posted in Bees/Beef Leave a comment

HEERLIKE BORSSTROOK IN SOUS
Bak eers jou sorsstrook  (brisket) in jou oond met sout en peper bedek of in ‘n baksakkie tot gaar, moenie bruin braai nie. Laat koud word en sny in dun skywe.
Sous:
2 uie gekap en gebraai in n bietjie botter
1 blikkie Coke Cola
1 pk sampioensoppoeier
1 kp van die vleissous van die borsstrook
1/2 koppie blatjang
1 koppie tamatiesous

Gooi alles bymekaar nadat jy die uie gebraai het. Gooi oor jou koue vleisskywe wat jy mooi regop gepak het in ‘n bak, laat die sous lekker tussen die skywe inloop. Plaas weer in oond tot dit goed deurwarm is.
Resep:  Elize van Zyl

You cannot copy content of this page

DISCLAIMER: BY SUBMITTING CONTENT TO THIS WEB SITE, YOU ACKNOWLEDGE AND AGREE THAT THE TERMS AND CONDITIONS STATED IN THIS POLICY APPLY TO YOUR INTERACTIONS WITH ANY WEB SITE COMMUNITY AND THAT GOOD AND VALUABLE CONSIDERATION HAS BEEN PROVIDED TO YOU. IF YOU DO NOT AGREE WITH THESE TERMS AND CONDITIONS, DO NOT SUBMIT CONTENT TO THIS WEB SITE OR OTHERWISE ACCESS ANY COMMUNITY FEATURES ON THIS WEB SITE.