Category Archives: Inlê vrugte / Bottled Fruit

KOEJAWELS IN SUIKERSTROOP
15 ryp koejawels, geskil en deurgesny
5 ½ koppies suiker
1 liter water
12 naeltjies
1 kaneelstok

In groot pot maak jy alles stadig warm terwyl jy dit roer met ‘n houtlepel totdat die stroop kook en die suiker gesmelt is, laat dit stadig prut totdat die stroop begin dik raak en op die agterkant van ‘n lepel bly klou. Continue reading→

MALEISE GROENMANGO ATJAR
12 groen mango’s
sout
15 ml kerriepoeier
750 ml sonneblomolie
4 rooi brandrissies
3 knoffelhuisies
5 ml fenegriek
5 ml borrie Continue reading→

KOEMKWATS IN WYN
Vriendin Marietjie Stegman se kommentaar: Ek het die stroop verdubbel en dit was net genoeg. Ek het nie die koemkwats posjeer nie, maar ‘n rukkie gekook in die stroop

2 kg koemkwarts
500 ml droë wit wyn
125 ml heuning
1 stuk pypkaneel
2 heel naeltjies Continue reading→

KOELKASKOEMKWATS
Vriendin Marietjie Stegman se kommentaar: pas op vir te sag kook, die staan in die warm stroop maak hulle ook nog sag en dis nie baie soet nie.

Bedek 1 liter koemkwarts met water en verhit tot kookpunt. Dreineer die koemkwarts, bedek dit met vars water, verhit weer tot kookpunt en dreineer. Bedek dit weer met vars water, verhit tot kookpunt en prut dit dan totdat dit sag is, daar moet ‘n vuurhoutjie maklik deur die skil gedruk kan word. Dreineer nou goed.
Voeg 400g wit suiker by 250ml water en verhit stadig tot kookpunt, roer dit aan die begin tot die suiker opgelos is. Kook die stroop 5 min, voeg die koemkwarts by die stroop, verhit tot kookpunt en kook dit 5 min. Laat die koemkwarts in die stroop afkoel. Bewaar dit in ‘n dig geseelde houer in die koelkas.
Dien dit as nagereg op saam met roomys of room, of sny die vruggies op en gebruik dit as bestandeel in roomys, gestolde en gebakte nageregte, die stroop dien as ‘n sous. Halveer en ontpit die vruggies, vul dit met roomkaas en voeg dit by ‘n groen slaai met’n vinaigretteslaaisous.

*Lekker vir later* Rina