Category Archives: Wenke / Tips

RAAD VIR DIE KOOK VAN WAATLEMOENSTUKKE

BIETJIE MEER OOR WILDEWAATLEMOENE ( MAKATANE, KARKOERE,TSAMMAS)
Wildewaatlemoene kan in die plek van soetwaatlemoene gebruik word vir konfyt of suurtjies.
Omdat sommige van die vrugte bitter is, is dit wys om altyd eers aan die vleis te proe.
Die wildewaatlemoen moenie groen gepluk word nie hy moet aan die plant gelos word totdat die stingeltjie heeltemal verdroog het. Continue reading→

Louise Groenewald
Die vulsel moenie te souserig wees nie en dit moet kamertemp of koud wees as jy dit in die pasteikors sit. Bak dit dadelik as jy die vulsel ingesit het.
Ronel Wall
Verlede week op Pasella het een van die baksters met wie hulle gesels het spesifiek ‘n hoenderpastei gemaak en toe gesë dat sy broodkrummels op die kors gooi sodat dit nie pap raak van die vulsel nie. Die broodkrummels absorbeer dan die sous. Weet nie of dit werk nie, maar ek onthou dat ek dit gehoor het en nogal gedink het dat dit kan werk. Continue reading→

WENKE WAT WERK
Beskuitblik = Gooi 1 teelepel suiker in die blik om vars te hou-
Broodblik = Halwe aartappel in die blik hou die brood vars-
Om vleis sag te maak as jy dit stowe, gooi 2 teelepels gemmer by, asyn kan ook in gegooi word-
Om hoender sag en sappig te hou, gooi ‘n koppie suurlemoensap oor dit voordat jy dit gaar maak-
‘n Stukkie brood in die pan waarin vis gebak word, sal voorkom dat die olie spat, ontdooi bevrore vis in melk, die melk gee ‘n lekker geur aan die vis-
Om te keer dat worsies oopbars wanneer jy hulle braai, prik hulle goed, doop in kookwater en droog af voordat jy dit in die pan bak-
Aartappels braai mooi bruin as dit eers in melk gedoop word-
Wanneer jy eiers bak, sprinkel ‘n bietjie sout of meel oor die olie voordat jy die eier in die pan oopbreek, die eier sal nie aan die bodem van die pan vas sit nie-
Om groente gouer te laat sag kook, voeg ‘n teelepel suiker by terwyl dit kook
Coen Cloete
As jy iets diep olie braai gooi ‘n kurkprop in dit demp die spat van olie en hou jou olie langer skoon soos met viskoekies ens – by ‘n ou wyse portugese tannie geleer en waargeneem.

GEBRUIK VAN KRUIE EN SPESERYE
Pimento (Allspice) – Bredies
Basiliekruid (Basil) – Tamatie, eier, kaas, skaap, visgeregte
en slaaie
Lourierblare (Bay leaves) – Sop, bredies, maalvleis, bobotie,
piekels, vis en pastas
Kappertjiesaad (Capers) – Vis- en ander seekosse
Rissiepeper (Cayene pepper) – Kaas- en eiergeregte
Chilli – Sterk gegeurde vleis-, vis en groentegeregte
Grasuie (Chives) – Slaaie, sop, souse en doopsouse Continue reading→

WENKE VIR HIGIENIESE HANTERING VAN HOENDER
In bredie, roerbraai, gebraai of gestoom,  hoender se veelsydigheid ken geen einde nie. Verwyder die vel, dan is dit een van die goedkoopste keuses, as dit by gesond eet kom.
Bedek hoender dadelik om dit teen bakterieë te beskerm.
Wees veilig met hoender: Hoender is hoogs bederfbaar en moet daarom met sorg hanteer word. Bakterieë vermeerder by ‘n sekere graad van hitte, temperature tussen 8ºC en 75 °C is die gevaarsone. Verhoed bederf deur kos so vinnig as moontlik buite hierdie gevaarsone te kry, hetsy deur dit te verhit of bo 75 °C warm te hou of so vinning as moontlik te laat afkoel en dan in die yskas te plaas.
Yskas wenke: Moenie warm kos in die yskas plaas nie, dit maak al die ander kos in die yskas meer vatbaar vir bakteriese bederf.
Bêre rou vleis op die onderste rak van die yskas en gaar kos op die boonste rakke, sodat rou kos nie op gaar kosse kan drup nie.
Continue reading→