Category Archives: Nageregte – Koud / Desserts – Cold

KLAPPERSKUIM
Resep: Peter Felix
FOOD LOVERS RECIPES
1 ⅓ koppie klapper
1 eierwit
½ teelepel suurlemoenskil
1 ½ teelepel suurlemoensap
2 eetlepel suiker
knippie sout
1 eetlepel stroop van ingelegde pere of perskes
Voeg alles saam in ‘n dubbele kastrol. Klits oor kookwater tot dik, voeg suurlemoenskil en klapper by. Laat afkoel en plaas lepelsvol in halwe pere of perskes. Versier met glanskersies.

ITALIAANSE ROOMPOEDING
2½ koppies melk
4 eiers geskei
1 koppie kookwater
1 koppie suiker
1 pakkie rooi jellie
Los die jellie op in die kookwater en laat afkoel.
Verhit die melk en voeg dit stadig by die geklitste eiergele en suiker.
Verhit die mengsel oor kookwater tot dit gaar is.
Voeg die vla by die jellie en meng goed. Laat dit afkoel.
Klits die eierwitte styf en vou in jelliemengsel in.
Skep in ‘n vorm en plaas in die yskas op te stol.

MELANI SE SJOKOLADEPOEDING
2 peppermint crisp sjokolade
3 pakkies sjokolade kitspoeding
3 pakkies tennisbeskuitjies
1 blikkie Carmel treat mintgeur
2 liter melk.
Pak die beskuitjies in ‘n tert bak. Klits die melk, kitspoeding en caramel treat saam. Rasper 1 sjokolade in die mengsel in. Giet die mengsel oor die beskuitjies, krummel res van die beskuitjies bo-oor en rasper die die ander sjokolade  bo oor. Laat in yskas staan oor nag.
Resep geplaas deur Melanie Herbst Duvenhage

FILO ROLLETJIES VIR NAGEREG
Verdeel filo-velle in die helfte. Plaas op elke vel 4 blokkies sjokolade en bo-op dit 2 malvalekkers. Rol dit dan op vanaf die een kant, dat dit op die ou end soos n sigaar lyk. Bak in diep olie tot mooi goudbruin. Strooi kaneelsuiker oor. Bedien warm. Kan ook met roomys bedien word.
Idee geplaas deur Gideon Louw
Foto: Gideon Louw

KONFETTIPOEDING
4 pakkies jelliepoeier van verskillende kleure (rooi, geel, oranje en groen)
125 ml kookwater vir elke pakkie jellie
125 ml koue water vir elke pakkie jellie
Maak aan en laat jellie stol, sodra jellie gestol het, sny in blokkies.

Maak 1 pakkie suurlemoenjellie aan met 100 ml kookwater en 100 ml koue water. Laat goed afkoel en meng met 1 blikkie kondensmelk. Spoel bak uit met koue water, voeg blokkiesjellie in bak en meng met suurlemoenjellie en kondensmelkmengsel wat goed afgekoel het. Dit moet nie warm wees nie, want dan gaan blokkies jellie smelt. Laat stol en versier na smaak met room en kersies.
Resep geplaas deur Stompie Theron Borman
Foto: Stompie Theron Borman

MARLENE SE KOUE SJOKOLADE POEDING
Het gisteraand weer my pa se koue sjokolade poeding gemaak vir vandag. (Resep kom van my ouma af – Porterville)
(Ek het poeding 3 x aangemaak- mates in hakkies)
1 liter melk (3 liter)
3 opskeplepels maizena (300 ml) (900 ml = 9 Lepels maizena)
2 opskeplepels kakao (200 ml)  (600 ml = 6 Lepels kakao)
1½ koppies suiker (4½ koppies suiker)
5 ml – doppie vanilla (2 doppies)

(My opskeplepel is ± 100 ml) Continue reading→