PETRE SE VRUGTE PASTEITJIES
(Maak 60)
4 x 425 g pakke Fruit mince
½ teelepel fyn gemmer
½ teelepel fyn kaneel
½ teelepel gemengde speserye
¼ teelepel fyn naeltjies
50 ml brandewyn
Meng goed en skep 1 ½ teelepel van mengsel in bakkies wat uitgevoer is met deeg.
Druk dekseltjies uit.
Smeer rand met eiermengsel.
Skraap rante gelyk . Druk patroontjie op rante met ‘n vurk en smeer eiermengsel bo-oor.
Bak 15 minute teen 180ºC of tot goudbruin.
Sif strooisuiker bo-oor sodra uit die oond kom. Laat afkoel verpak in lugdigte houer
ROOMDEEG
Ek gebruik dit vir tertjies soet of sout.
6 koppies koekmeel
1 teelepel sout
5 teelepels bakpoeier
250 ml room
1 ½ pond botter (680-700 g)
yswater of koue sodawater
Sif droë bestanddele saam. Rasper botter in droë bestanddele in. Vryf met vingers tot dit soos broodkrummels lyk, voeg die room by. Meng verder met yswater of sodawater tot ‘n stewige deeg vorm( indien nodig- lees nota). Verkieslik moenie pap wees nie, gebruik soos verkies, jam tertjies, groot terte, smeer met eier en melk mengsel voor gebak word by 180 ºC. My gunsteling jamtertjie deeg .
Nota:
Ek het nie nodig gehad om water of sodawater by te voeg nie.
Het ook geen bakpoeier by gevoeg nie.
Resep en foto: Petré van Jaarsveld
geskuif