ELIZABETH SE WITWYN VARKFILLET GEREG EN ROTI VOORGEREG
Vandag was ek lus vir bederf.
Voorgereg het ek ‘n roti deeg gemaak met ‘n vulsel van sauerkraut, oorskiet braaivleis en mosterd. Dit gediep fry.
2 koppies meel
sout en peper
3 eetl olie
1 koppie kook water
Meng tot sagte deeg en knie vir 1 min. Rol dun uit en smeer met botter. Rol op soos ‘n swiss rol. Maak balletjies en rol dun uit. Vul met jou keuse vulsel en braai in diep olie.
En hoofgereg het ek aartappelkoekies met witwyn-varkfillet gemaak met slaai!
Die varkfillet is ‘n ou familie resep en altyd ‘n wenner.
1 medium grote ui in skuiwe gesny, braai met 200 g gekerfde mushrooms. Skep eenkant.
Braai 50o g varkfillet wat in skywe gesny is in bietjie olie, plaas alles in oondbak. Meng met witwynsous.
Witwynsous
1 kop melk, laat kook
3 eetl maziena gemeng met 150 ml witwyn, sout en peper, kruie
Voeg by warm melk, kook tot styf.
Voeg by varkfillet en strooi mozzarella kaas bo-oor en bak teen 180°C tot lig bruin.
Aartappelkoekies
3 med grotte aartappels, gekook tot sag en druk dit fyn met vurk. Sout en peper dit goed, voeg gekapte pietersielie by en 2 opgehoopte eetl maziena en 1 eier. Rol balletjies en maak ‘patty’, doop in meel.
Sit dit eers in yskas sodat dit rus vir ten minste ‘n half uur.
Braai in olie tot mooi bruin.
Resep en foto: Elizabeth Haupt
