LIZELLE SE MAKLIKE HOENDERPASTEI
4-6 hoenderborsies, ontbeen
1 ui gesny
knippie sout
gesnyde sampioene
swartpeper
3 eetlepels blatjang
1/2 pakkie hoenderroomsoppoeier
1/2 pakkie bruinuiesoppoeier
300 ml kookwater
1 rol blaardeeg
1 eier
Kook hoender saam gesnyde ui op in water saam ‘n knippie sout tot gaar. Braai sampioene en swartpeper tot net net gaar (jy kan bietjie chilli bysit as jy hou van skop). Pluis afgekoelde hoender en voeg blatjang en sampioene by (jy kan gaar ertjies of gemengde groente bysit). Meng die soppoeiers met 300 ml kookwater, sorg dat daar geen klonte in is nie, en meng saam hoender. Sit blaardeeg oor en smeer met geklitste eier. Prik die deeg met vurk op ‘n paar plekke. Bak vir 40-45 minute teen 180°C. Bedien saam groenslaai of ‘n lekker beetslaai.
Resep en foto: Lizellé Coetzee
