MARYNA SE KERRIE VARKTJOPS
6 tot 8 varktjops
½ koppie asyn
½ koppie koekmeel
Sout, pepper en neutmuskaat
2 groot uie in ringe
1½ koppie kookwater
2 eetlepel kerriepoeier
3 eetlepel hoog bruinsuiker
Strooi sout, pepper en neutmuskaat oor varktjops. Meng meel, kerriepoeier, sout, pepper en neutmuskaat en druk varktjoppies in meel tot goed bedek.
Pak laag tjops (sny kepe vet in vet) en dan laag uie ringe.
Meng die kookwater, bruinsuiker en asyn en giet bo oor die tjops en uie.
Bak op 190º C vir 1½ uur, verwyder foelie en bak verder oop tot tjops sag en bruin is, maar oppas dat die lekker sousie nie wegkook nie.
Indien sousie skraps lyk maak nog suiker, water en asynmengsel aan, maar gee dan genoeg tyd dat dit lekker dik is en deurgekook het.
Bedien saam rys.
Resep en foto: Maryna Kruger
