GEMMERKOEK MANNETJIES
(sowat 25 – 30 koekies)
250 g botter
250 g (300 ml) bruinsuiker
200 ml gouestroop
1 eier
500 g (890 ml) koekmeel
10 ml fyn gemmer
1 x 100 g-plak donkersjokolade, gesmelt
Verhit oond tot 180 °C.
Room botter, bruinsuiker en stroop met ‘n elektriese menger tot lig en romerig.
Voeg eier by en meng goed. Voeg meel en gemmer by.
Meng tot ‘n sagte koekiedeeg vorm.
Draai toe in kleefplastiek en laat rus in yskas vir 25 minute.
Strooi dun lagie meel op werkoppervlak. Rol koue deeg uit tot sowat 5 mm dik.
Gebruik koekiedrukker en druk vorms uit.
Voer ‘n bakplaat met bakpapier uit en spuit met kleefwerende sproei.
Sit koekies op bakplaat. Bak vir 12 – 15 minute of tot goudbruin. Laat afkoel.
Doop koekies in sjokolade en laat stol, of versier soos verkies.
Bêre in lugdigte houers.
Foto: Erika Venter
