Wit Onderlaag:
3 koppies suiker
1 koppie melk
1 koppie klapper
1 teelepel vanilla geursel
en knippie sout.
Pienk Bolaag: Soos Wit Onderlaag, maar gooi rooi voedselkleursel by.
Smeer ‘n bak van 25 x 15 x 5 cm goed. Maak eers die wit onderlaag! Roer suiker en melk oor lae hitte tot suiker gesmelt het. Verhit verder tot kookpunt en laat 10 minute kook SONDER om te ROER!! Verwyder van hitte en voeg klapper, geursel en sout by. Plaas kastrol in koue water en klop mengsel met houtlepel totdat dit begin dik word. Giet mengel in gesmeerde bak en maak gelyk. Doen nou dieselfde met Pienk Bolaag.
Sodra klapper ingegooi is, voeg dan rooi kleursel by om pienk te kleur. Giet dit dan bo-op die wit laag en maak gelyk. Sny in blokkies sodra dit effens afgekoel het. Plaas in yskas om heeltemal styf te word en verwyder dan uit bak. (Lewer +- 60 blokkies). Geniet!!!
BRON- Bets Lourens
