ALIKREUK – ALIKRIK – GIANT PERIWINKLE
Het vanaand heerlike gemaalde alikrik gemaak en het dit in pannekoeke bedien met ‘n kaassous daaroor. Was heerlik! 1 kg gemaalde alikrik (terwyl ek dit gemaal het, het ek op die einde 2 snye brood deur die meul gesit en dit bind die alikrik so bietjie)
200gr botter (NIE margarien nie)
+- 150ml suurlemoensap of na smaak
250ml room
Neutmuskaat na smaak
Sout en aromat
Smelt die botter in ‘n swaarboom pot en voeg suurlemoensap by en wag tot dit kook.
Voeg alikrik, neutmuskaat, sout en aromat by. Roer goed deur en laat dit goed warm word en voeg dan die room by en roer gereeld en laat dit vir ongeveer 10 minute stadig prut. Sit so 2 opskeplepels vol alikrik in elke pannekoek, rol op en gooi bietjie kaassous bo-oor.
Bron: Rosemarie Maytham
geskuif