MIKROGOLF KARRINGMELK BESKUIT
500 ml bruismeel gesif (Ek sif dit nie, maar klits met ‘n draad klitser)
2 ml sout
10 ml bakpoeier
150 ml sagte bruin suiker
1 koppie klapper (volgens smaak)
½ koppie sonneblom sade of gemengde sade
Meng bogenoemde bestanddele.
Smelt 175 g botter vir een minuut in mikrogolf.
Klits 2 eiers saam met 250 ml karringmelk. (Ek gebruik 250 ml melk met 1 eetlepel asyn in. Laat staan vir paar minute.
Klits gesmelte botter by eier en melk mengsel.
Voeg droë bestanddele by eier en botter mengsel.
Meng goed tot glad en egalig.
Spuit 2 Liter roomysbak (23 x 15 x 19 hoog) met spray & cook en bak 12 minute op hoog en los dan 10 minute in oond sonder om oop te maak. Dis baie belangrik.
As ek hierdie in die aand bak, los ek die beskuit in die roomys bak en keer eers die volgende dag uit as ek dit wil sny.
Sny in skywe (10) en dan in vingers (5) en droog dan uit in oond. (Ek kry dus 50 vingers uit een baksel uit)
Terywl die eerste baksel in die mikrogolfoond staan en rus vir die 10 minute, maak ek solank die 2de baksel aan. Terwyl die 2de baksel staan, begin ek die skottelgoed. En voor jy weet is daar 3 baksels en die kombuis is skoon.
Droog beskuit uit op 90°C vir ongeveer 4 ure.
Nota: Ek het ook al beskuit in my klein ronde oondjie uit gedroog. Daar pas wel minder stukkies in teenoor die groot oond, maar die beskuit droog vinniger uit.
Weskus groete!
Resep en foto: Gillian Logan Bredenhann
Zelda Ellis
Thank you for this recipe. I have now made it 3 times and comes out perfect every time.
First try I left out the coconut and seeds and added 1 cup fruit mix – delicious
Second/Third try I left out coconut and seeds and just made it as plain buttermilk rusks – delicious.
Gillian Bedenhann
Het die sonneblom saad met gemengde sade vervang
Anita Smit
Baie dankie vir hierdie beskuit resep.
Ek het my beskuit nog in my oond, gaan hulle binne volgende 5minute af sit! Ek het 2 stukkies reeds met koffie probeer, en dis so lig en lekker, en hul droog so vinnig! 🌾🌾