HEERLIKE GEURIGE KERRIEHOENDER
1.2 kg hoender filette in blokkies gesny (jy kan boujies en dytjies ook gebruik)
1 kg aartappels in blokkies nie te klein
2 groot uie opgekerf
6 knoffeltoontjies fyngekap
1 teelepel Fyngerasperde gemmer
3 lourierblare
2 kaneelstokkies
1 eetlepel blou boksie masala
1 eetlepel pers boksie kerrie of eie keuse
1 opgehoopte teelepel borrie
sout
3 eetlepels suiker
blatjang na smaak
2 eetlepel suurlemoensap of asyn
Maak jou olie en ‘n stuk regte botter warm anders net olie.
Voeg jou uie, lourieblare en kaneelstokkies by.
Braai en roer en na elke 5 min. Voeg 1 eetlepel water by roer en braai so vir 25 min, voeg elke 5 min 1 eetlepel water by en weer roer. Jou uie sal lekker bruin raak.
Na 25 min voeg gemmer, knoffel, kerrie, masala , borrie, suiker, sout en suurlemoensap by en roer so 2 keer deur.
Voeg jou hoenderblokkies by asook aartappels en roer braai so rukkie.
Voeg net ½ k water by en kook tot alles sag, gaar en dik sousie maak. Voeg blatjang na smaak by en roer deur.
Indien daar water kort voeg by maar hoender maak baie water.
Foto en resep: Ronell Muller Boshoff
