WORSROLLETJIES MET MAALVLEIS
Op skool was daar ‘n bakery oorkant die straat en hierdie pasteie het my laat onthou dis hoe hulle s’n geproe het.
Deeg:
3 koppies meel
125 g margarien
1 eier
2 ½ teelepel bakpoeier
sout
Vryf botter in meel, voeg bakpoeier, sout en eier by en maak aan met water tot stywe deeg. Rol lang stroke en skep die vulsel op.
Vulsel:
250 g maalvleis (ongeveer)
1 gaar aartappel, in blokkies gesny
1 klein gerasperde ui
knippie naeltjies
¼ teelepel koljander
1/8 teelepel tiemie
sout na smaak
1 eetlepel meel
½ eetlepel asyn
Kook maalvleis tot gaar, voeg alles by en meng goed, laat afkoel.
Skep vulsel op deeg stroke en vou toe.
Sit op bakpapier in pan, verf met eier en prik met vurk.
Bak 180°C vir 25 min of tot bruin en gaar.
Resep geplaas deur Roni vd Walt
Foto: Roni Van Der Walt
geskuif