TANNIE KAREN SE HEERLIKE BOBOTIE GEREG
1 dik sny witbrood
250 ml melk
1 groot ui, fyn gekap
1 eetlepel appelkooskonfyt
25 ml kookolie
37.5 ml witasyn
15 ml warm kerriepoeier
15 ml suiker
5 ml sout
bietjie borrie (tumeric)
knypie peper
500 g maalvleis
2 eiers
12.5 ml blatjang
3 vars suurlemoenblare (opsioneel)
Week brood in melk.
Braai ui in kookolkie tot effens bruin.
Meng asyn, kerrie poeier, borrie, appelkooskonfyt, suiker, sout en peper en roer dit by ui.
Druk meeste melk uit brood (hou melk) maak brood fyn en voeg by uie. voeg dan gou maalvleis en 1 eier by, roer en voeg dan al die melk by. Meng goed.
Voeg blatjang by en laat mengsel ‘n rukkie kook – roer gereeld.
Voorverhit oond tot 180°C.
Spuit oondbak met spray and cook (bak moet 1.5 l water kan vat en die water moet bak amper vol maak anders is die oondbak te groot).
Skep vleismengsel in bak.
Plaas vir paar min in die oond.
Klits oorblywende eier en 100 ml melk saam. Giet oor bobotie. Sit suurlemoenblare by.
Bak bobotie vir half uur (30 min).
Sit warm voor saam rys van jou keuse.
Resep en foto: Elidese Strydom
