SKAAP LEWER MET KRUMMEL PAP
Mmmm wat is nou lekkerder as skaaplewer en krummel pap vir middag ete.
1 kg lewer in blokkies gesny (week in melk so vir uur lank)
uie opgekap (net soveel soos wat jy benodig of wil gebruik
Bisto poeier
sout en peper na smaak
Braai uie tot deurskynend in bietjie olie.
Haal lewer uit melk en druk droog met kombuis papier.
Sit lewer saam met uie in en gooi nou bietjie sout en peper oor.
Nie te veel sout nie want bisto het ook sout in.
Braai totdat lewer gaar is.
Sprinkel nou Bisto oor (net soos wat jy goed dink) en voeg water by om ‘n lekker sousie te maak.
Kook lewer in sous so vir 5 min.
As sous te dik is voeg nog water by totdat jy tevrede is met sous.
Ons het krummelpap by dit gehad. Kapok aartappels is ook reg. Geniet!
Foto en resep: Ronel Muller Thoma
