MANGO EN WAATLEMOEN SORBET
MANGO SORBET
6 lekker ryp mangoes, geskil en in stukke gesny
100 ml water
100 ml suiker
Kook suiker en water vir ±10 min om ‘n stropie te maak.
Sit mangoes in versapper en versap. Voeg stroop by, lepels gewys. Ek proe maar om seker te maak dis nie te soet nie.
Gooi pulp in 2 liter roomysbak en sit in vrieskas. So na 2 ure het ek dit met ‘n vurk los gekrap. Weer oornag in vrieskas gesit. Die volgende oggend uitgehaal sodat dit bietjie kan ontdooi. Toe het ek dit in voedsel verwerker geskep en weer fyn geblits. Terug geskep in roomysbak en weer gevries. Heerlik.
WAATLEMOEN SORBET
Het helfte van medium waatlemoen gevries in stukkies, so vir 3 ure.
Weer ‘n stropie gemaak van 100 ml suiker en 100 ml water en n tiemie takkie bygevoeg.
Het waatlemoen in versapper gesit saam met so 2 eetlepels stroop en geblits. So aangehou totdat al die waatlemoen fyn was en toe so 100 ml Rose wyn bygevoeg en goed geblits. Weer in roomysbak gesit en in vrieskas. Dis absoluut heerlik!
Foto en resepte deur Ronel Muller Thoma
