HOENDER, ZUCCHINI EN WORTEL LASAGNE
1 gaar hoender ( ek maak myne in drukpot gaar), ontbeen en geskeur.
3 Wortels
1 groot zucchini (murg van groente = die groot een van murgpampoentjie)
Lasagne pasta velle
1 koppie kaas.
Witsous:
2 eetlepels meel
2 eetlepels botter
Feta na smaak
2 koppies melk
Maak witsous deur botter te smelt en meel in te roer tot gladde pasta. Voeg melk by en roer tot kook en dik. Roer feta in. Smeer onderkant van groterige plat bak met sous. Pak laag lasagne velle bo-op. Smeer weer sous oor velle. Meng hoender en groente en pak bo-op witsous. Herhaal laag pasta, sous, hoender en sit kaas bo oor. Bak by 180°C tot pasta sag en kaas lekker bruin (40 min). Vries heerlik.
Foto en resep geplaas deur Henriette Rossouw
