PANGEBRAAIDE VARK TJOPS MET GEKARAMELISEERDE UIE EN APPELS
Pangebraaide vark tjops met romerige bloukaas, gekarameliseerde uie & appels, rooikool, gestoomde groenboontjies en aartappels. Regtig ‘n heerlike aandete.
4 groot vark tjops (ek sny die vel af maar behou die vetlagie wat ek net met skêr so paar keer sny sodat die tjops nie opkrul sodra dit gebraai word)
1 groot ui, opgesny
3 Granny Smith appels geskil, kern verwyder en in wiggies gesny
2 eetlepels bruin suiker
Braai eers die uie en appels tot ligbruin en strooi suiker oor sodat uie kan karameliseer. Skep in warm bak en hou eenkant terwyl die tjops gebraai word. Wanneer die tjops gaar en mooi bruin haal uit en sit by uie en appel tot dit bedien word.
Foto en resep deur Elsabie Templeton
