LEKKER SOETKOEKIES
3 koppies koekmeel
1 ½ koppie suiker
3 eiers
½ koppie Stork Bake sag
3 teelepels bakpoeier
knippie sout
1 teelepel vanilla geursel
Klits die eiers en suiker en voeg dan die Stork by en klits weer. Voeg vanilla by.
Voeg die koekmeel, bakpoeier en sout by en werk met hande tot stywe deeg vorm.
As dit te pap is, voeg bietjie meel by.
Maak ‘n bal en dan ‘n lang rol en sny met ‘n mes skywe.
Nota:
Ek het net balletjies gemaak en platgedruk met ‘n vurk.
Pak op ‘n voorbereide bakplaat.
Bak vir 10 – 15 min tot ligbruin. 180ºC
Resep en foto: Bernice Walters
Foto: Ronell Muller Boshoff
