HANNELEE SE VLA EN KONDENSMELK TERT
My ma het altyd die gemaak en is my boetie se gunsteling.
1 ½ liter dik vla wat self gemaak is. Ek gebruik 1½ liter melk. Laat solank warm word tot kookpunt.
Meng saam in beker:
½ koppie suiker
5 eetlepels vla poeier
1 teelepel vanilla
Maak tot loperige pasta met bietjie melk. As melk kook, voeg by en roer aanhoudend tot glad en dik, haal van stoof af.
Meng 2 blikkies kondensmelk met ‘n koppie suurlemoensap tot dik en glad.
In ‘n tert bak pak ‘n laag tennis beskuitjies, gooi ‘n laag vla oor, pak weer beskuitjies, gooi dan kondensmelk vulsel oor, pak weer laag beskuitjies en gooi res van vla oor. Versier met fyn beskuitjies.
Foto en resep geplaas deur Hannelee Nortje
