CHARLEEN SE FRANSE ROOSTERBROOD LASAGNE
Maak gewone Franse roosterbrood deur ‘n sny brood in eier te doop en in die pan te braai tot goudbruin aan beide kante. Maak genoeg om twee lae te maak in die grootte bak wat jy gaan gebruik.
Braai fyngekapte uie saam met knoffel in ‘n pan en voeg ‘n blikkie braai relish, saam met ‘n bietjie suiker en sout en peper na smaak by. Braai gekapte sampioene en gesnipperde bacon tot gaar en hou eenkant.
Lê ‘n laag roosterbrood onder in ‘n oondpan en bedek dit met ‘n laag tamatie en uie mengsel, sampioene en bacon. Herhaal met nog ‘n laag van alles en strooi gerasperde Cheddarkaas bo-oor.
Bak in ‘n warm oond (180 grade) vir 15 minute tot die kaas goudbruin is.
Bron en foto: Charleen Nuwenhuizen
Geskuif – Augustus 2021