CALAMARI MET SUNDRIED TOMATOES
Wenk vir gaarmaak:
Om te verhoed dat jou calamari taai word moet jy dit OF baie vinnig oor hoë hitte braai nie langer as 3 tot 5 minute nie, OF ten minste 30 minute lank stadig kook. Enigeiets tussenin en jy gaan uitveërs eet.
Ontdooi calamari ringe (spoel onder koue water).
Laat ontdooide calamari ringe vir so 30 minute lê in melk.
Haal uit en maak goed droog.
Sprinkel met suurlemoensap en olyfolie.
Spesery met sout, swartpeper, Robbertsons Spice for Fish en bietjie Robbertsons Portuguese Chicken Spice.
Stoom sundried tomatoes sag met water, klein bietjie asyn en suiker, snipper op en sit eenkant.
Verhit bietjie olie in pan, skroei calamari vinnig. Gooi een gekapte knoffelhuisie en die sundried tomatoes by en roer deur. Sit goeie klompie plaasbotter in die pan, garneer met pietersielie en sweet basil, verlaag hitte, voeg water of witwyn by en prut saggies vir 30 minute of langer tot sag. Ek voeg ook bietjie van ‘n brandsousie by. Jy kan ook bietjie room inroer op die einde.
Resep: Sean O’Brien
