POT STICKERS:
WONTON WRAPPERS:
2 k meel
1 eier geklits
knypie sout en 3 E water
Sif meel en sout in ‘n bak.Voeg eier en water by om stywe deeg te maak. As deeg te pap is voeg nog bietjie meel by. Rol deeg op meelbestrooide oppervlak tot papierdun. Druk sirkels uit. Bedek met klam doek. (As jy ‘n pasta masjien het kan jy dit op die dunste stelling rol ) Jy kan ook klaargekoopte Wrappers koop.
VULSEL:
400 gr vark maalvleis
4 grasuie gekap
4 knoffelhuisies fyn
stukkie fyngekapte vars gemmer
2 E rys asyn
2 E soya sous
1 E sesame olie
2 t suiker.
halwe rissie fyngekap
1 t Hoisen sous
Meng alles.
Sit 1 t vulsel in deeg sirkel. Maak rande nat met bietjie water en knyp dit toe en maak paar voutjies bo-op. Gebruik pan met deksel en braai die deegpakkies in bietjie olie tot goudbruin. Gooi half k water oor en maak toe met deksel Laat dit stoom vir plus minus 5 min.
DOOPSOUS:
kwart k soy
1 t sesame olie
2 huisies knoffel fyn
2 grasuie gekap
2 t hoisensous
1 t fyn vars gemmer
2 t suiker
1 E water.
Resep en foto: Martie Fourie Moolman
