PETRé SE MOUSSAKA
Resep en foto: Petré van Jaarsveld
FOOD LOVERS RECIPES
3 eiervrugte ( plat skywe gesny)
Olyfolie om eiervrug in te braai
Sout
Sprinkel eiervrugskywe met sout, en laat n halfuur staan.
Spoel af en maak droog met handdoek papier.
Verhit olyfolie, en braai eiervrug tot goudbruin. Pak op handdoek papier.
1 kg maalvleis
2 groot uie gekap
2 knoffelhuisies fyn gekap
¼ teelepel fyn neut
¼ teelepel fyn kaneel
1 teelepel kruie fyn gekap
2 eetlepels pietersielie fyn gekap
1 blikkie/pakkie tamatiepasta
½ koppie rooiwyn
Sout en grofgemaalde swartpeper na smaak
2 eiers geklits
Parmesaanse kaas
Braai gekapte uie tot sag en deurskynend. Voeg fyn gekapte knoffel by en braai goed deur. Voeg maalvleis by en braai tot bruin. Voeg al die speserye, tamatiepasta en rooiwyn by. Kook goed deur. Haal van hitte af en laat eenkant staan om af te koel. Voeg dan geklitste eiers by en meng goed.
In n vuurvaste bak… pak n laag van die gebraaide eiervrug…. skep n laag van die maalvleis bo-op…. strooi parmesaanse kaas oor… Herhaal, en eindig met n laag eiervrug…
Bachemelsous…
(het dit in die mikrogolfoond gemaak)
1 liter melk
2 eetlepels margarien/botter
2 goeie opgehoopte koekmeel
Fyn neutmuskaat
Sout en witpeper na smaak
Verhit melk en botter… maak meel aan met water tot n gladde pasta….. voeg by melk en meng goed…. mikrogolf op hoog vir 30 sekondes…. herhaal tot gaar… meng na elke 30 sekondes goed deur…geur met fyn neut, sout en witpeper…(ek het n handvol cheddar kaas ook bygevoeg)…. skep bo-oor maalvleismengsel…. sprinkel bietjie fyn neut oor, en bak teen 180ºC vir om en by n uur…
