LEKKERSTE PATATGEBAK
1 kg patats geskil, gaar gekook en fyn gedruk
180 ml bruinsuiker
125 ml melk
2 eiers
5ml sout
10 ml vanilla geursel
Bo-laag:
250 ml bruin suiker
125 ml koekmeel
375 ml pekaneute grof gekap
50 ml gesmelte botter
Voorverhit die oond tot 180°C.
Meng die gaar patat, suiker, melk, eiers, sout en vanilla goed saam en skep in ‘n oondvaste bak.
Meng die bo-laag se bestanddele saam en sprinkel oor die patats.
Bak die gereg in die voorverhitte oond vir 30 min.
Bedien saam met snoek en vars brood.
Lewer 6 – 8 porsies.
Resep getoets en foto: Christina en LP Louw
