GEBAKTE PAMPOENTERT MET ROOMSOUS
Tertbeslag
½ koppie botter
1 koppie meel
1 koppie suiker
3 eiers
1 groot eetlepel bakpoeier
½ teelepel sout
¾ koppie gaar fyn pampoen
1 teelepel vanieljegeursel
Stroop:
1 koppie suiker
1 koppie water
½ koppie melk/room
2 groot eetlepels botter
¼ teelepel sout
2 teelepels Maizena/vlapoeier opgelos in bietjie water
Room botter en suiker tot lig en klits die eiers een vir een by. Meng goed.
Sif koekmeel, bakpoeier en sout saam.
Voeg meelmengsel by bottermengsel saam met pampoen en vanieljegeursel en meng goed.
Skep in ‘n gesmeerde bak en bak (1½ liter bak) vir 45 min in ‘n voorverhitte oond teen 180°C.
Berei intussen die stroop:
Verhit water, suiker, melk/room botter en sout tot kookpunt.
Verdik met Maizena/vlapoeier.
Laat kook vir 1 min.
Giet dadelik oor tert sodra dit uit die oond kom.
Heerlik warm of koud as soet bykos of poeding met vla.
Resep geplaas deur Nicolette van Jaarsveld
Foto: Nicolette van Jaarsveld
Ek het die pampoen tert met room sous resep gebruik op die blad. Het die pampoen vervang met ‘n halwe kop patats en dan in die tert beslag 5 ml kaneel en 5 ml gemmer in gemeng. Het in die sous ook extra kwart teelepel gemmer en kaneel gesit.
Ek het geel patats gebruik vir die tert.
Kommentaar en 2de Foto: Nicolette Van Jaarsveld
