HEERLIKE GRIEKSE KLAPPERTERT

HEERLIKE GRIEKSE KLAPPERTERT
LEWER 1 TERT VAN 30 CM
TERT
125 g botter
250 ml suiker
3 eiers
500 ml droë klapper
250 ml koekmeel
15 ml bakpoeier
knippie sout
250 ml melk, louwarm

STROOP
250 ml suiker
250 ml water
5 ml vanieljegeursel
geklopte room vir voorsit

Voorverhit die oond tot 180 °C. Smeer ’n tertbak van 30 cm.

TERT
Verroom die botter en suiker tot lig en donsig.
Voeg die eiers by en klits goed. Meng die louwarm melk by die mengsel.
Sif die meel, bakpoeier en sout. Voeg die klapper en meelmengsel om die beurt by die melk- en suiker mengsel.
Meng goed. Skep in die tertbak en bak 35 minute tot gaar.
STROOP
Los die suiker in die water op en bring tot kookpunt. Voeg die vanieljegeursel by en giet die warm stroop oor die warm tert wanneer dit uit die oond kom
Sit voor met geklopte room.
Ek het vir die stroop Ideal Melk gebruik in plaas van water. Baie Lekker uitgekom.
Foto: Debbie Bornman