Vanaand die interresante pap met vorm en smaak probeer saam met T-been. Het die plan onlangs raakgeloop. Het die resep aangepas sonder sampione (by tydelike gebrek daarvan)en het geel meel gebruik. Nog steeds lekker gewerk en baie posetiewe kommentaar uitgelok.
50 ml fyn gesynde biltong per persoon.
50 ml gerasperde cheddar kaas per persoon.
Mieliepap ( tussen slap en styf met minder sout as gewoonlik) volgens die aantal persone.
Een swart sampioen per persoon
Knoffelbotter
Sout & peper na smaak
1 skoongemaakte kondensmelk blikkie ( bo en onderkant oopgesny) per persoon.
Tamatie en uie smoor na smaak.
30 ml geroomde spinasie per persoon
Voorverhit die oond tot 120 grade
Roer biltong & kaas by gaar pap
Braai sampioen in riffelpan, smeer met knoffelbotter, geur met sout & peper.
Plaas blikkies in oondpan, spuit met kleefwerende kossproei.
Plaas skeppie pap in elkeen gevolg deur 15ml tamatie mengsel gevolg deur nog n’ skeppie pap, spinasie, sampioen, en laaste weer tamatie mengsel.
Bedek met aluminumfoelie en Plaas in voorverhitte oond tot steak gereed is.
Bron. “Toptien-Tuiskokke ” Leserskring
Foto: Christina En LP Louw
