MOSBOLLE GEMAAK MET ROSYNTJIESUURDEEG
Rosynesuurdeeg:
500g groot rosyne (met pitte)
2 liter water
1 pakkie gis
60 ml witsuiker
500 g broodmeel
Druk rosyne en hul pitte fyn en voeg dit saam met die water in ‘n kastrol. Kook 15 min lank. Laat mengsel tot lou afkoel.
Voeg gis en suiker by en roer tot suiker opgelos. Plaas mengsel in ‘n glas of erdebak, bedek en laat staan op ‘n warm plek vir 24 uur of tot rosyne bo dryf. Syg mengsel deur en meng dan die broodmeel by. Meng tot glad en laat staan sowat 4 uur of tot skuimerig en goed gegis.
Mosbolle:
500 g botter of margarien
250 ml melk
4 kg koekmeel
750 g witsuiker
10 ml sout
60 ml anys
Smelt botter/margarien oor lae hitte en voeg melk by. Meng suurdeegmengsel by. Voeg die meel, suiker en sout en genoeg warm water by om ‘n stywe deeg te vorm. Voeg die anys by en knie die deeg minstens 20min lank of tot borrels op die oppervlak vorm. Bedek deeg en laat oornag (of tot dit in vollume verdubbel het) in ‘n warm plek staan om te rys. Maak bolletjies en pak styf teen mekaar in gesmeerde broodpanne. Laat bolletjies rys tot hulle in volume verdubbel het. Bak 1uur lank by 200grade – indien ‘n waaieroond bak 1.5 h by 150ºC
Resep gekry in Kos Wat Ons Ken – Magdaleen van Wyk en Pat Barton. Bietjie aangepas.
Foto: Jolene Smit