RISSIESOUS VIR SEEKOS
Na al die oordaad… hoe lyk dit met eenvoudige, gegeurde pangebraaide calamari en garnale? Hier is my peri-peri dipsous, maar bedien dit in aparte bakkies sodat elke eter apart kan doop – dis sterk, maar lekker. Vreeslik eenvoudig. Dis my namaaksel van die sterk sousie wat Ocean Basket by sy gebraaide seekos bedien.
(Dit maak sowat 120 ml, d.w.s baie min, so verdubbel resep as jy wil)
3 eetlepels fyngekapte rooi en groen cayenne-rissies, pitte uitgeskraap
3 eetlepels maagdelike olyfolie
1 eetlepel vars lemmetjie- of suurlemoensap
1 ½ teelepels suiker
1 eetlepel fyngekapte vars knoffel
5 ml (of meer) seesout
Meng alles goed saam en laat geure deurtrek vir sowat 3 uur voor gebruik.
Resep en Foto: Zuri Roos
