STEPH SE LASAGNE
(Een vir nou en een vir vrieskas)
500 – 750 gr maalvleis
1X 750ml Pot Wollies tamatie en kruie pastasous
Lasagne velle
570 ml melk
100 ml koekmeel
60 gr harde margarine – ek gebruik Rama blok of Stork bake
5 ml sout
Knippie rooipeper
So 300 ml gerasperde cheddar kaas
Bruineer maalvleis in so 50 ml olie, gewoon of olyf.
Wanneer bruin en gaar, gooi pastasous by, meng deur en prut vir so 10 minute. Roer kort kort.
Intussen gooi melk in ‘n medium groot mikrogolfvaste bak. Voeg meel, peper en sout by en meng goed met n draadklopper tot meel ingemeng is. Voeg die margarine by. Mikrogolf op hoog vit so 10 minute tot sous dik en gaar is. Roer kort kort met draadklopper.
Voeg kaas by en roer deur tot gesmelt. Moenie weer mikrogolf nie.
Smeer lagie kaassous onder in n vuurvaste glasbak. Dan lasagne velle, helfte maalvleis, helfte kaassous. Herhaal lae nog een keer.
Bak so 20 min by 180 gr tot mooi bruin.
Resep en foto: Steph Kirchner
