PAMPOENKOEK MET NEUTE
250 g margarien
310 g suiker
4 groot eiers (geskei)
250 ml gaar pampoen (deur sif gedruk)
45 ml gekapte okkerneute
625 ml koekmeel
15 ml bakpoeier
2 ml sout
5 ml kaneel
2 ml fyn gemmer
2 ml gemengde speserye
45 ml strooisuiker
Smeer en voer twee 22-cm koekpanne uit en verhit oond tot 170 ºC.
Room margarine en suiker goed. Voeg eiergele, pampoen en gekapte okkerneute by en meng goed.
Vou gesifte droë bestanddele in.
Klits eierwitte styf, voeg strooisuiker by en klits vir 30 sekondes en vou dan in by mengsel.
Verdeel tussen panne en bak 30-40 minute. Laat in panne afkoel vir 10 minute, keer uit en laat heeltemal afkoel.
Versiersel en vulsel:
2 eierwitte
2 ml kremetart
300 ml strooisuiker
2 ml sout
5 ml vanilla geursel
125 ml appelkooskonfyt
Plaas al die bestanddele behalwe konfyt en vanilla bo in dubbelkoker oor warm water.
Klits tot dit vorm behou(ongeveer 5 minute). Haal van hitte af, voeg vanilla by en klits tot mengsel baie dik is.
Smeer een laag met appelkooskonfyt en bo oor konfyt van die versiersel.
Plaas tweede laag koek op en smeer weer konfyt en res van versiersel bo oor.
Versier met okkerneute en kersies.
Resep geplaas deur: Jeanette Hough Meyer
