MEXIKAANSE BEESVLEISGEBAK
Die tortilla-bolaag maak hierdie gereg ’n gunsteling onder kinders!
Genoeg vir: 4
Totale Tyd: 45 min
Voorbereiding: 15
1 eetlepel sonneblomolie
1 groot ui, fyngekerf
500 g beesmaalvleis
1 tot 2 groen brandrissies, saadjies uitgehaal en fyngekerf
400 g-blik fyngekapte tamaties
410 g-blik rooibone, gedreineer en afgespoel
’n groot hand vol vars koljanderblare, grofgekap
100 g tortillaskyfies (ons s’n was liggies met sout gegeur)
50 g beleë Cheddarkaas, gerasper
suurroom, om te bedien
Verhit olie in ’n groot pan en braai die uie oor stadige hitte vir 10 minute of tot dit sag is. Draai die hitte hoër en gooi die maalvleis by; braai vir ongeveer 10 minute of tot al die vleis verkleur het.
Voeg die brandrissies, tamaties, bone en al die geurmiddels by en kook vir 5 minute. Gooi die koljander by en geur. Skep die gereg in ’n opdienbak.
Voorverhit die roosterlement tot medium hitte. Gooi die tortillaskyfies oor die vleis en rooster tot die kaas smelt.
Bedien dadelik met suurroom en ’n kraakvars groenslaai.
Bron: goodhousekeeping
