Ek bak sommer brood in my slowcooker, die 3 liter een, smeer lekker met botter. sit jou deeg in, stel op slow vir 2 ure, dan draai ek dit om met 2 eierspane en sit dit op high vir ‘n uur. Nadat ek dit omgedraai het, gooi ek net ‘n stuk handdoekpapier oor die brood vir die stoomdruppels wat van die deksel af kom. Of jy kan ‘n potbrood op die stoof maak, dit werk ook. Nie altyd ‘n oond nodig nie.
Smeer ook die pot met botter, sit deeg in, deksel op, stoof baie, baie laag, en dan hou ek dit maar dop tot ek sien die brood is reg om omgedraai te word, en dan lig ek so halfuur later uit om te sien of brood darem ook bruin is onder.
Geleer by iemand wat saam met my jare gelede gewerk het. Lanklaas gedoen.
Ek en sy het dit gedoen op ‘n spiralplaat stoof en dit op nr1 gestel, vat nogal ‘n tydjie.
‘n Boer maak ‘n plan.
Resep: Cornelia Myburgh
Foto: Frances Smith
Nota: Ek het slowcooker met baking sheet uitgelê. Deeg daarop gesit, toegemaak en op hoog gestel. Na so een en ‘n half uur het ek vadoek oor pot gesit en deksel op vadoek sodat druppels van deksel nie op brood val nie. Dink dit het toe nog so uur gegaan voor ek dit uitgehaal het (skies het laaste ruk nie regtig tyd dopgehou nie)
