LE ROUX SE GUNSTELING PATATROL
1 rol TODAY skilferkors deeg ( blou )
2-3 koppies gaar patat, fyn gekook en afgekoel.
Ontdooi pakkie deeg en rol af sodat hele rol plat op tafel lê. Daar is blou plastiek om deeg en ek sit sommer die plat deeg daarop, help my later as ek weer dit moet oprol.
Smeer 1 cm laag afgekoelde patat en rol weer versigtig op.
Maak mooi toe met plastiek dat dit nie uitdroog nie en verkoel totdat dit maklik in skywe gesny kan word.
Sny dan in 1.5 cm dik skywe en pak in pyrex of oondvaste bak.
Voorverhit oond op 220 ̊C en bak vir 20-30 min tot goudbruin.
Verhit in tussen 1 koppie room en 1 koppie bruinsuiker. Gekaramaliseerde bruinsuiker ook lekker, maak dis donkerder.
Sodra patat uitkom, gooi warm room en suiker mengsel bo-oor en bak nog 5-7 min.
Foto: Meisie van der Colff
