BETS SE GESONDHEIDSBESKUIT
(Maak 4 ½ kg droë beskuit)
2,5 kg meelblom
5 eetlepels + 2 teelepels bakpoeier
1½ teelepel sout
2½ koppies suiker
8 koekies Weetbix
3 koppies Shredded All Bran
1½ koppies Oats
250 g sonneblomsaad
250 g rosyne
500 g margarien
5 eiers
1 liter melk
1 koppie wit asyn
2 koppies kookolie
Sif meelblom, sout en bakpoeier saam. Voeg suiker by. Vryf margarien in. Gooi Weetbix (fyn gedruk), Shredded Bran, Oats, sonneblomsaad en rosyne by. Meng goed. Gooi asyn by melk om melk dik te maak. Klits eiers en olie saam en voeg dikmelk by. Meng goed en gooi by droë bestanddele. Maak aan tot hanteerbare deeg.
Druk in gesmeerde, met waspapier uitgevoerde oondpanne en bak 40-45 minute teen 180°C. Laat effens in panne afkoel. Keer uit op draadrak en laat koud word. Sny in vingers en droog oornag uit in oond teen 60°C.
Resep en foto: Bets Lourens
geskuif