VERSKEIE SKONS RESEPTE
Estelle van Moerkerken
Maklike Skons
500 ml koekmeel
20 ml bakpoeier
1 eier geklits
2 ml sout
80 ml olie
250 ml melk
Meng droë bestanddele, Klits eier, melk en olie en voeg alles bymekaar.
Vul kolwyntjie pannetjie van 12 en bak by 200ºC vir 10-12min.
As jy jou skons effe soeter wil he, voeg 15 ml suiker by.
As jy KAAS SKONES wil het – voeg 1 koppie gerasperde kaas by en 5 ml mosterdpoeier. Sprinkel paprika bo-op skons voor jy dit bak.
Rita du Toit – Probeer ‘n slag die een.
So 3-4 koppies bruismeel
5 ml sout
250 ml bakkie room
1 klein blikkie sodawater
1 koppie gerasperde kaas
Meng 3 koppies bruismeel met res en gebruik 4 de een om by te voeg totdat deeg werkbaar is. ( gewoonlik so ½ koppie )
Meng liggies en druk plat – moenie uitrol . Druk uit en bak.
*********
Nicolette Abrahams
1 ½ koppie koekmeel
1 ½ teelepele bakpoeier
Knippie sout
2 eetlepels suiker
150 g botter
½ koppie melk
1 eier
Meng droë bestanddele saam, meng dan die botter en meng dit totdat dit soos sand korrels uitkom. Meng dan die eier en melk, voeg melk by. ( moet nie die deeg te nat maak nie)
Rol of druk die deeg plat op ‘n oppervlak, strooi ‘n bietjie meel sodat die deeg nie plak nie, druk dan uit met een glas of koppie.
Bestryk die bo-kant van skones met eier.
Bak vir 15 to 20 min, in een voorverwarmte oond van 180ºC
