DULCAN DWYER SE BEESSTERT-POT
Braai die beesstert liggies in bietjie olie.
Gooi ongeveer 250 ml rooiwyn oor.
Laat dit lekker deurkook.
Spesery die vleis met sout en peper. Ek verkies Sixgun speserye.
Sny so 4 groot uie in ringe en voeg by pot.
Gooi ongeveer 750 ml warm water met oxtail ekstrak blokkie wat gesmelt is asook 8 naeltjies in pot.
Kook vir 1 uur.
Voeg ‘n klein houertjie tamatiepasta by asook knoffel na smaak.
Kook verder oor baie lae hitte (ek verkies gas) vir 2 ure.
Voeg lekker klein aartappeltjies by en kook tot sag.
Meng so 2 koppies blatjang met halwe koppie tuisgemaakte appelkooskonfyt en voeg by.
Kook deur en geniet die pot met ‘n lekker glasie Roodeberg.
Resep en foto: Stompie Theron Borman
