MA LIEN SE MIKROGOLF SJOKOLADEKOEK
1 koppie koekmeel
1 koppie suiker
2½ teelepel bakpoeier
knippie sout
2 eiers
50 ml olie
1 koppie kookwater
3 eetlepels kakao
1 teelepel vanilla
SOUS:
1 koppie suiker
1 koppie water
1 eetlepel kakao
½ koppie brandewyn
Sif droë bestanddele saam. Voeg suiker by. Klits eiers, olie en geursel saam. Meng kakao met kookwater en meng met eiermengsel.
Voeg by droë bestanddele en meng goed. Skep in gesmeerde ringkoekpan en bak 6 minute op 100% krag. Haal uit oond en laat staan vir 5 minute. Keer uit op opdienbord.
SOUS:
Kook suiker, water en kakao saam vir 5 minute. Verwyder van hitte en voeg brandewyn by. Giet oor warm koek. Laat afkoel en versier met geklopte room. GENIET!!
Resep en foto: Bets Lourens