KRUMMELHOENDERGOULJONS
Hoender stukkies
Vir die hoender se krummels het ek winkelkrummel gebruik. Pecorino of parmesaankaas fyn gerasper, tiemie, sout en peper en texan steak speserye van Robertsons.
2 koppies krummels
¼ koppie kaas
½ teelepel tiemie
½ teelepel texan steak spesrye
sout en peper na smaak
1 teelepel pietersielie
Doop die hoender stukkies in geklitste eier en dan in krummels. As jy tyd het, los dan in yskas vir so ½ uur dan klou die krummels beter.
Diepbraai in warm olie tot gaar en bruin.
VETKOEKIES
Ek het omtrent ‘ n ¾ koppie selfraising by ¼ koppie krummels en eier wat oor was gemeng en met koue water gemeng tot ‘n medium stywe deeg.
Onthou daar is sout, tiemie en swart peper in krummels en pecorino kaas so moenie nog byvoeg nie. Braai lepelsvol in pan wat hoender in gebraai is.
BRON- Elba Groenewald
