BRAAIVLEIS CROISANTS MET HEUNINGBOTTER
2 teelepels kits suurdeeg opgelos in 375 ml louwarm water
Voeg die volgende by:
80 ml suiker
80 ml sagte botter
2 teelepels sout
160 ml droë poeiermelk
1 eier
4 koppies koekmeel
Meng alles saam en as te slap, voeg nog bietjie meel by. Knie tot elasties, plaas in gesmeerde bak en bedek met plastiek (ek sit in plastieksak en bind toe). Laat rys tot dubbel in volume, knie af.
Deel in 2 en rol 1 deel uit in sirkel, sny soos pizza in 12 stukke, en rol soos croissant op van buite (groot kant) na binne. Bedek met plastiek en laat 30 min op warm plek rys. Doen dieselfde met ander deel.
Bak 10-15 min 200 ºC tot gaar.
Sodra uit die oond kom smeer met gesmelte botter.
HEUNINGBOTTER
½ koppie sagte (nie gesmelt) botter
1 teelepel vanilla geursel
1 eiergeel
1 koppie heuning
Klop botter, voeg vanielje en eiergeel by en klits. Voeg heuining geleidelik by en klits tot lig en sag.
Bedien met broodjies
Foto en resep: Annetjie van Huyssteen
