BLAMAANS (MIELIEBLOMPOEDING)
105 ml mielieblom
60 tot 75 ml suiker
1 ml sout
750 ml melk
1 eier
5 ml vanielje of amandelgeursel
Meng mielieblom, suiker en sout en voeg 60 ml koue melk by.
Verhit res van melk en roer mielieblommengsel stadig by.
Roer aanhoudend tot mengsel verdik, ek doen dit in mikrogolfoond, want mengsel brand maklik op stoof.
Klits eier goed en roer by.
Voeg geursel by en giet in poedingvorms om te stol.
Sit voor met vrugtesous, sjokoladesous, gemmersous of dadelsous.
VARIASIES
Sjokoladeblamaans
Meng 15 tot 25 ml kakao met die suiker en mielieblom.
PYNAPPELBLAMAANS
Voeg 1 koppie fyngemaakte pynappel by die poeding net voor dit in vorms gegiet word.
Jy kan ook fyngekapte kruisement byvoeg vir spesiale tye!
KLAPPERBLAMAANS
Voeg 190 ml fyn, droë klapper by die melk en kook dit dan.
VRUGTEBLAMAANS
250 ml fyn appelkooskonfyt of enige ander fyn konfyt
500 ml kookwater
30 tot 45 ml suiker
60 ml mielieblom
koue water
Smelt konfyt in kookwater tot stroop
Voeg suiker by en verhit mengsel tot kookpunt
Maak pasta van mielieblom en bietjie koue water en voeg by
Roer elke 1 minuut tot mengsel verdik, 5 -8 min, doen ook in mikrogolfoond
Giet mengsel in mooi poedingvorms en verkoel
Sit voor met dun room of vla
Hierdie is heerlike poedings om vir die lente en somer te maak.
Bedien met vars vrugte en versier met eetbare blomme en kruie. ENJOY!
Bron- Floraine Wasserman Venter
