OM SOUTVLEIS TE MAAK
Hierdie resep is baie, baie oud en kom uit my Oorl. Moeder se resepte boek.
5 kg vleis
15 g saltpeter
15 – 75 g bruin suiker (na smaak)
200 g sout
1 teelepel swartpeper
8 lourierblare
2 knoffelvingers fyn gekap
2 teelepels gemmer
2 teelepels wonderpeper
Meng alles goed saam, vryf mengsel in vleis in.
Plaas vleis in houer, strooi res van mengsel bo-oor en laat vleis vir 1 week in die yskas staan.
Draai elke dag om en vryf weer in met mengsel tot alles opgelos is. Gooi water by tot heel bedek en kook tot gaar.
ALTERNATIEWE RESEP
1.5 kg growwe sout
30 g saltpeter
500 g bruin suiker
Genoeg water om vleis heeltemal te bedek
Roer al die bestandele in die water tot opgelos. Plaas vleis daarin maak seker dit is heeltemal bedek.
Laat vleis 5 – 6 dae daarin lê. Hou op ‘n koel plek.
Gooi 2 teelepels koljander en 2 teelepels naeltjies in die water en kook tot gaar.
Resep: Rina Kleinhans
