WILLEM SE TREFFER VRUGTEKOEK
Resep en foto: Willem Bierman
FOOD LOVERS RECIPES
Hier is my resep vir ‘n HEERLIKE vrugtekoek.
Die resep kom al baie jare saam my en glo my dis heerlik en vrek maklik om te maak.
750 g vrugtekoekmengsel
110 g kersies, grof gekap
100 g pekanneute, grof gekap
50 g versuikerde lemoenskil
300 ml water
1 koppie suiker
175 g wooden spoon/stork bake
15 ml kakao poeier
10 ml gemengde speserye
Plaas alles in ‘n pot en verhit tot kookpunt.
Sodra dit borrel kook vir 5 minute en laat afkoel.
Sodra mengsel afgekoel het, voeg volgende by:
2 koppies koekmeel
2 eiers
5 ml koeksoda
Meng alles goed.
Plaas bakpapier onder in jou pan en spuit goed met kleefwerende kossproei.
Bak teen 180 ºC vir 1 uur 30 min of tot toetspen skoon uitkom.
Sodra koek uit oond uit kom, sprinkel met 60 ml brandewyn.
Lewer 1 koek van ongeveer 20 cm.
