HOENDER SAAGWALA
Vrydagaand takeaway maar self gemaak hoender saagwala (‘n tipe spinasie/hoenderkerrie).
Heerlik en nie te branderig, so perfek vir die kiddies (as daar oor is).
Bedien met basmati rys en/of naan.
2 groot hoenderborsies, in blokkies gesny
olie/ghee vir vlakbraai
1 ui, gekap
2 knoffelhuisies, gekap
1 teelepel gerasperde vars gemmer
½ pak gevriesde spinasie, ontdooi en water uitgedruk
1 eetlepel garam masala
1 teelepel cumin powder
½ teelepel borrie
½ teelepel cayenne pepper
sout en peper na smaak
5 ml asyn
100 ml water
200 ml room
125 ml suurroom
Braai hoender tot ligbruin.Voeg uie, knoffel en gemmer by en braai tot deurskynend. Voeg spinasie, garam masala, cumin, borrie, cayenne pepper, water, room en suurroom en asyn by en laat deurkook. Bedien warm.
Resep en foto: Ilze Garbers Jacobs
