IERSE BREDIE MET HOENDERMAGIES
Resep en foto: Alet Cruywagen
FOOD LOVERS RECIPES
Ek het vandag gewerk en my sewentien jarige meisiekind het gekook. Irish stew met hoendermagies.
500 g hoendermagies
1 ui fyn gekap
1 hoenderblokkie
3 aartappels, opgesny
3 wortels, opgekap
sout en peper na smaak
1 teelepel Italiaanse speserye
Maizena om sous te verdik
Sit hoendermagies in prutpot (slowcooker).
Voeg ‘n koppie water aan die begin by vir ‘n lekker sous.
Voeg die ui en hoenderblokkie by en laat kook op hoog vir so 1½ uur.
Sit opgesnyde aartappels en wortels by.
Voeg sout, peper en Italiaanse speserye by.
Laat kook tot gaar en verdik met bietjie maizena.
Bedien saam met rys.
